సూపర్ హిట్ మూవీ ‘సోగ్గాడే చిన్నినాయనా’ సినిమాకి సీక్వెల్‌గా రూపొందిన ‘బంగార్రాజు’ అంచనాల్ని అందుకోలేకపోయిందన్న టాక్ వుంది. కరోనా ప్యాండమిక్ కారణంగా అలా అలా పూర్తి చేసేసి రిలీజ్ చేసేసి చేతులు దులిపేసుకున్నారన్న ప్రచారమూ వుంది ఈ సినిమాపై. దాంతో ఏదో అలా కొట్టుకుపోయిందంతే. 

ఆ తర్వాత  నాగార్జున నుంచి వస్తున్న సినిమా ‘ది ఘోస్ట్’. విలక్షణ టాలెంట్ దర్శకుడు ప్రవీణ్ సత్తారు ఈ సినిమాని తెరకెక్కిస్తున్నాడు. ప్రవీణ్ సత్తారుతో సినిమా అంటే, ఈ సినిమాపై కొన్ని అంచనాలున్నాయ్. చిన్న సినిమాలకు పెద్ద దర్శకుడిగా పేరొందిన ప్రవీణ్ సత్తారు, నాగార్జునతో సినిమా అంటే చాలా ఛాలెంజింగ్‌గా తీసుకున్నాడట.

దాంతో ఈ సినిమాని భారీ స్థాయిలో అభిమానుల అంచనాలకు ఏమాత్రం తగ్గకుండా అనేలా రూపొందిస్తున్నాడట. తాజాగా ఈ సినిమా నుంచి ఓ పోస్టర్ రిలీజ్ చేశారు. నాగార్జున ఫస్ట్‌లుక్ పోస్టర్ అది. చాలా ప్రామిసింగ్‌గా వుంది ఈ పోస్టర్. సినిమాపై అంచనాలు పెరిగేలాగే వుంది. 
ఈ సినిమాకి సంబంధించి విజువల్ అప్‌డేట్‌ని జూలై 9న రిలీజ్ చేయనున్నారట. ఆ విజువల్ నెక్స్‌ట్ లెవల్‌లో వుండబోతోందని అంటున్నారు. ఈ సినిమాతో ఎలాగైనా హిట్టు కొట్టాలన్న కసి మీదున్నాడట నాగ్. భారీ యాక్షన్ సీక్వెన్సెస్‌తో సరికొత్త కథా, కథనాలతో రూపొందిన సినిమాగా ‘ది ఘోస్ట్’‌ని అభివర్ణిస్తున్నారు. అందాల భామ సోనాల్ చౌహాన్ ఈ సినిమాలో నాగ్‌తో జోడీ కడుతోంది.