కువైట్:  బహిరంగ ప్రదేశాల్లో సంగీత కచేరీలు నిర్వహించి చట్టాన్ని ఉల్లంఘించిన వారిపై చర్యలు తీసుకున్నట్లు సమాచార మంత్రిత్వ శాఖ తెలిపింది. ఈద్ అల్-అదా రెండవ రోజున ఒక హోటల్‌లో జరిగిన సంగీత కచేరీ నిర్వహణపై సమాచారం అందగానే సదరు సంస్థపై వెంటనే అవసరమైన చర్యలు తీసుకుందని సమాచార మంత్రిత్వ శాఖ ప్రతినిధి అన్వర్ మురాద్ వెల్లడించారు. ఎంపీ అహ్మద్ ముతీ మాట్లాడుతూ.. ఇస్లామిక్ చట్టానికి విరుద్ధంగా సంగీత కచేరీని నిర్వహించడంపై సమాచార మంత్రికి సమాచారం అందించామని, నిర్వాహక సంస్థ లైసెన్స్ ను రద్దు అయినట్లు తెలిపారు.