కుర్రహీరోల్లో తనదైన దూకుడు చూపిస్తున్నాడు కిరణ్ అబ్బవరం. మొన్నీ మధ్యనే ‘సమ్మతమే’ సినిమాతో ప్రేక్షకుల్ని పలకరించిన ఈ కుర్ర హీరో, ఇప్పుడు ‘మీటర్’ అంటూ కొత్త సినిమాతో వస్తున్నాడు.

ప్రతిష్ఠాత్మకమైన పెద్ద సినిమాలతో పాటు, చిన్న సినిమాలను కూడా తెరకెక్కిస్తున్న మైత్రీ మూవీస్ బ్యానర్‌లో కిరణ్ అబ్బవరం నటిస్తున్న సినిమాకి ‘మీటర్’ అనే టైటిల్ ఖరారు చేస్తూ, ఫస్టలుక్ పోస్టర్ వదిలారు. 

ఈ రోజు కిరణ్ అబ్బవరం పుట్టినరోజు కావడంతో, ఆ సందర్భంగా మైత్రీ మూవీస్ బ్యానర్ వాళ్లు ఈ రకంగా కొత్త సినిమా టైటిల్ వదిలి, మనోడికి బర్త్‌డే ట్రీట్ ఇచ్చారన్న మాట.
ఇకపోతే, కిరణ్ అబ్బవరం చేస్తున్న సినిమాల లిస్టు చాలా పెద్దదే కావడం విశేషం. గీతా ఆర్ట్స్ 2 బ్యానర్‌లో కిరణ్ అబ్బవరం, ‘వినరో భాగ్యము విష్ణు కథ’ సినిమా చేస్తున్నాడు. అలాగే, కోడి దివ్య ప్రొడక్షన్స్‌లో ‘నేను మీకు బాగా కావలిసిన వాడిని’ అంటున్నాడు.

ఏ యంగ్ హీరో లేనంత బిజీగా సినిమాలు చేసుకుంటూ పోతున్నాడు కిరణ్ అబ్బవరం. సాప్ట్ వేర్ ఇంజనీర్ అయిన కిరణ్ అబ్బవరం, సినిమాలపై వున్న ఆసక్తితో హీరోగా మారాడు. ఎటువంటి ఫిలిం బ్యాక్ గ్రౌండ్ లేకుండానే, సమ్‌థింగ్ డిఫరెంట్ అనిపించుకుంటున్నాడు. తనదైన మార్కు డైలాగ్ డెలివరీతో యూత్‌కి బాగా కనెక్ట్ అయ్యడు కిరణ్ అబ్బవరం.