యూఏఈ: గ్లోబల్ క్రూడ్ ఆయిల్ ధరలకు అనుగుణంగా ఆగస్టు నెలకు సంబంధించి రిటైల్ ఇంధన ధరలను లీటరుకు 62 ఫిల్స్ వరకు యూఏఈ చమురు ధరల కమిటీ తగ్గించింది. సూపర్ 98ని జూలైలో లీటరుకు Dh4.63 నుండి ఆగస్టులో Dh4.03కి (13 శాతం) తగ్గించింది. స్పెషల్ 95 ధర 13.27 శాతం తగ్గి Dh4.52 నుండి Dh3.92 అయింది. అలాగే  E-Plus 91 ధర 13.5 శాతం తగ్గి..  Dh 4.44 నుండి  Dh 3.84కి తగ్గించింది. అదేవిధంగా డీజిల్ ధర జూలైలో 4.76 దిర్హామ్ లు ఉండగా.. దాన్ని 4.14 దిర్హాలకు(13 శాతం) తగ్గించింది. వరుసగా రెండు నెలలు ధరల పెరుగుదలతో  చమురు ధరలు జూలైలో ఆల్ టైమ్ గరిష్ట స్థాయికి చేరుకున్నాయి. ప్రపంచవ్యాప్తంగా చమురు ధరలు ఈ సంవత్సరం బ్యారెల్‌కు $100 కంటే ఎక్కువగా ఉన్నాయి. ముఖ్యంగా ఫిబ్రవరిలో రష్యా-ఉక్రెయిన్ సైనిక సంక్షోభం తర్వాత మాంద్యం భయాల కారణంగా జూలైలో ధరలు $100 దిగువకు పడిపోయాయి. జూలై 5న  చమురు ధరలు 10 శాతానికి పైగా పడిపోయాయి. MOpec+ కరెంట్ ఉత్పత్తి కోతలు ఆగస్టు చివరి నాటికి పూర్తిగా పునరుద్ధరించబడతాయని, సెప్టెంబరు నుండి  ప్రతి ఒపెక్ సభ్యుడు తమ ఉత్పత్తిని స్వేచ్ఛగా పెంచుకోవడానికి సిద్ధంగా ఉంటారని సెంచరీ ఫైనాన్షియల్ చీఫ్ ఇన్వెస్ట్‌మెంట్ ఆఫీసర్ విజయ్ వాలెచా అన్నారు.