మస్కట్: భారీ వర్షాల నేపథ్యంలో అందరూ జాగ్రత్తగా ఉండాలని కోరినా కొందరు పట్టించుకోవడం లేదని సివిల్ డిఫెన్స్, అంబులెన్స్ అథారిటీ పేర్కొంది. తాజాగా రుస్తాక్‌లోని వాడి అల్-హుకైన్‌లో ఒక వ్యక్తి మునిగి చనిపోయాడని వెల్లడించింది. సౌత్ అల్ బతినా గవర్నరేట్‌లో రుస్తాక్‌లోని విలాయత్‌లోని వాడి అల్ హొకైన్ ప్రవాహంలో ఒక వ్యక్తి మునిగిపోయాడని సమాచారం అందడంతో సివిల్ డిఫెన్స్, అంబులెన్స్ డిపార్ట్‌మెంట్‌లోని రెస్క్యూ టీమ్‌లు స్పందించి ఘటనా స్థలానికి చేరుకొని బాధితుడిని రక్షించి ఆస్పత్రికి తరలించారని వివరించింది. కానీ ఆస్పత్రికి చేరేలోపే బాధితుడు మృతిచెందాడని అథారిటీ తెలిపింది.