మస్కట్: అరేబియా సముద్రంలో లోతైన ఉష్ణమండల అల్పపీడనం ఫలితంగా రాబోయే రెండు రోజుల్లో మోస్తరు నుంచి భారీ వర్షాలు పడే అవకాశంక ఉందని వాతావరణ శాఖ అంచనా వేస్తోంది. అల్పపీడనం కారణంగా శనివారం అల్ వుస్తా, సౌత్ షర్కియా, ధోఫర్‌లోని కొన్ని ప్రాంతాల్లో మోస్తరు వర్షాలు పడ్డాయి.  ఒమన్ తీరానికి అరేబియా సముద్రంలో 400 కిలోమీటర్ల దూరంలో అల్పపీడనం స్థిరపడిందని, ఇది వాయువ్యంగా పాకిస్తాన్ తీరం వైపు తిరిగే అవకాశం ఉందని పౌర విమానయాన అథారిటీ (CAA) తన ప్రత్యేక వాతావరణ నివేదికలో పేర్కొంది. ఆదివారం, సోమవారాల్లో సుల్తానేట్‌లోని అల్ వుస్తా, నార్త్ షర్కియా, సౌత్ షర్కియా, మస్కట్, దఖ్లియా, సౌత్ బతినా, దహిరా, ధోఫర్ గవర్నరేట్‌లలో ఆకాశం మేఘావృతమై.. 15-60 మిమీ వర్షపాతం కురిసే అవకాశం ఉందని తెలిపింది. అరేబియా సముద్ర తీరాల వెంట అలలు గరిష్ఠంగా 4 మీటర్ల ఎత్తుతో అల్లకల్లోలంగా ఉంటాయని పేర్కొంది.