సహజంగానే సినిమా పరిస్థితి ఏమంత బాగా లేదు. ప్రేక్షకుల్ని తమ తమ సినిమాల ద్వారా ధియేటర్లకు రప్పించడం కత్తి మీద సామే అవుతోంది మేకర్లకు లేదా.. నటీ నటులకు. స్టార్ హీరోలు సైతం దారుణమైన ఫెయిల్యూర్స్ చవి చూడాల్సి వస్తోంది.
ఈ టైమ్‌లో భారీ అంచనాల నడుమ వచ్చిన ‘లైగర్’ మూవీని ప్రేక్షకులు నిర్ధాక్షిణ్యంగా తిరస్కరించేశారు. దాంతో రౌడీ హీరో విజయ్ దేవరకొండ కాస్త ఫైర్ అయ్యాడు. ఆ ఫైరింగ్‌లో అననుకూలమైన మాటలు దొర్లేశాయ్. ‘నా సినిమాను బాయ్ కాట్ చేస్తే చేసుకోండి..’ అంటూ టంగ్ స్లిప్ అయ్యాడు.
ఈ మాటలతో ఓ ధియేటర్ యజమాని కోపానికి కారణమయ్యాడు విజయ్. సినిమా నచ్చితే చూడండి.. లేదంటే మానేయండి.. అని నువ్వు ఎలా చెప్తావ్. నీ మాటల వల్ల మేం నష్టపోతున్నాం..’ అంటూ సదరు ధియేటర్ యజమాని విజయ్‌పై కస్సుబుస్సులాడాడు.
ఈ నీ ఆటీట్యూడ్ వల్లనే ‘లైగర్’ ఫెయిలైంది.. అంటూ ఆయన విజయ్‌పై అవాకులు చవాకులు పేలేశాడు. అసలే సినిమా ఫెయిలై, విమర్శల పాలైన విజయ్‌కి ఈ సమస్య ఇంకో తలనొప్పిగా తయారైనట్లుంది.