కువైట్: క్లోజ్డ్, సెమీ క్లోజ్డ్ బహిరంగ ప్రదేశాల్లో ధూమపానాన్ని నిషేధ చట్టం కేవలం పొగాకు సిగరెట్లకు మాత్రమే కాదని.. ఎలక్ట్రానిక్ సిగరెట్లు, ఎలక్ట్రానిక్ హుక్కా (షిషా), ఇతర ఉపకరణాలకు కూడా వర్తిస్తుందని ఎన్విరాన్‌మెంట్ పబ్లిక్ అథారిటీ (ఈపీఏ) అధికారిక ప్రతినిధి షేఖా అల్-ఇబ్రహీం స్పష్టం చేశారు. పొగాకు నియంత్రణ చట్టాల గురించి అవగాహన కల్పించేందుకు ఈపీఏ పలు వీడియోలను రూపొందించిందని, వాటితో అవగాహన కార్యక్రమాలను పెద్దఎత్తున నిర్వహిస్తున్నట్లు షేఖా అల్-ఇబ్రహీం తెలిపారు. బహిరంగ ప్రదేశాల ఎంగ్రన్స్ ల వద్ద నిర్దిష్ట ప్రదేశాలలో "నో స్మోకింగ్" బోర్డులు పెట్టాలన్నారు. ఈ నిబంధన ఉల్లంఘిస్తే ఫెసిలిటీ మేనేజర్‌కి KD 5,000 వరకు జరిమానా విధించబడుతుందని హెచ్చరించారు. పబ్లిక్ స్థలాలు, ప్రభుత్వ- ప్రైవేట్ పరిపాలనా సంస్థలు, ప్రజా ప్రయోజన సంఘాలు, వాటి పరిపాలనా కార్యాలయాలు, వాటి అనుబంధ సంస్థలు కూడా పొగాకు నియంత్రణ చట్టం పరిధిలోకి వస్తాయన్నారు.