మనామా: మంకీపాక్స్‌ను ఎదుర్కోవడానికి అత్యవసర సమావేశాన్ని ఆరోగ్య మంత్రి డాక్టర్ జలీలా బింట్ సయ్యద్ జవాద్ హసన్ ఏర్పాటు చేశారు. ఈ సందర్భంగా మంకీపాక్స్ ను ఎదర్కొనే ప్రణాళికలపై చర్చించారు. స్థానికంగా, అంతర్జాతీయంగా అమలులో ఉన్న హెల్త్ ప్రోటోకాల్‌లకు అనుగుణంగా.. అవసరమైన ముందు జాగ్రత్త చర్యలు తీసుకోవాలని అధికారులను ఆరోగ్య మంత్రి జవాద్ హసన్ ఆదేశించారు. బహ్రెయిన్‌లో మొదటి కేసు నమోదుపై మంత్రి స్పందించారు. మంకీపాక్స్ వ్యాధి వ్యాప్తిని అరికట్టేందుకు ఎపిడెమియోలాజికల్ నిఘా కొనసాగుతోందన్నారు. ఆరోగ్య నిపుణులు అవగాహన క్యాంపెయిన్ లను విస్తృతం చేయాలని ఆదేశించారు. వీటితోపాటు పరీక్ష, ఐసోలేషన్, చికిత్స, కాంటాక్ట్ ట్రేసింగ్‌కు సంబంధించి చర్యలపై ఆయన సమీక్షించారు. కమ్యూనిటీ, పబ్లిక్ హెల్త్ డైరెక్టరేట్‌లలో అనుమానిత కేసుల పర్యవేక్షణ, వ్యాక్సిన్లు అందించే ప్రయత్నాలను ముమ్మరం చేయాలని అధికారులను ఆరోగ్య మంత్రి జవాద్ హసన్ ఆదేశించారు.