సౌదీ అరేబియా: తూర్పు ప్రావిన్స్‌లోని హఫర్ అల్-బాటిన్ గవర్నరేట్‌ పరిధిలోని స్థానిక పార్క్ వద్ద కొంతమంది అల్లర్లకు పాల్పడ్డారు. అకారణంగా ట్రాఫిక్ కు ఇబ్బంది సృష్టించి వాహనాలను ధ్వంసం చేశారు. రోడ్డు వెళ్తున్న వారిని వేధించారు. దాదాపు 25 మంది గ్రూప్ ఒక్కసారిగా దాడులు చేస్తుండటంతో ప్రజలు హడలిపోయారు. సమాచారం అందుకున్న పోలీసులు మొత్తం 25 మంది బృంద సభ్యులను అరెస్ట్ చేశారు. ఉద్దేశ పూర్వకంగానే వారు అల్లర్లకు పాల్పడినట్లు గుర్తించారు. ఈ మొత్తం సంఘటనపై న్యాయస్థానంలో విచారణ ప్రారంభమైంది. వీరిపై ఆర్టికల్స్ 15, 17, 112 ప్రకారం కేసులు నమోదు చేశారు. ప్రభుత్వ, ప్రజల ఆస్తులను ధ్వంసం చేసిన నిందితులకు భారీగా జరిమానా విధించాలని కోర్టును ప్రాసిక్యూషన్ కోరింది.