ఆసాయికి చెందిన ఓ వలసదారుడు ఫేక్‌ గోల్డ్‌ని అమ్ముతూ పోలీసులకు చిక్కాడు. 13 బ్రాస్‌లెట్స్‌ని ఓ షాప్‌లో ఎక్స్‌ఛేంజ్‌ చేసిన నిందితుడు, తన పాస్‌పోర్ట్‌నీ, తాను అమ్మిన వస్తువులకు సంబంధించిన రిసీప్ట్స్‌లను కూడా షాప్‌ యజమానికి ఇచ్చాడు. దాంతో నమ్మకం కుదిరి, ఎక్స్‌చేంజ్‌కి అంగీకరించారు. అయితే అతనిచ్చిన బంగారాన్ని పరిశీలించి చూడగా నకిలీదని తేలడంతో పోలీసులకు ఫిర్యాదు చేసింది ఆ షాప్‌ యాజమాన్యం. పోలీసులు రంగంలోకి దిగి, నిందితుడ్ని పట్టుకున్నారు. ఆరోపణలు ఎదుర్కొంటున్న వ్యక్తి మరో షాప్‌లో నకిలీ బంగారంతో 31,000 బహ్రెయినీ దినార్ల మోసానికి పాల్పడినట్లు పోలీసులు గుర్తించారు. విచారణలో నిందితుడు చూపించిన రిసీప్ట్‌లు, అలాగే పాస్‌పోర్ట్‌ కూడా ఫేక్‌ అని తేలింది. నిందితుడికి ఏడేళ్ళ జైలు శిక్ష విధించారు.