కువైట్: మొత్తం ప్రవాస కార్మికులలో నాలుగింట ఒక వంతు మంది గృహ కార్మికులని, 2022 రెండవ త్రైమాసికం చివరి నాటికి వీరి సంఖ్య దాదాపు 655,000కు పెరిగిందని కువైట్ లేబర్ డిపార్టుమెంట్ తెలిపింది. 2021 రెండవ త్రైమాసికం చివరి నాటికి ఈ సంఖ్య 639,000గా ఉందన్నారు. ఇందులో దాదాపు 315,000 మంది పురుషులు, దాదాపు 339,000 మంది మహిళలు ఉన్నారు. మొత్తం గృహ కార్మికులలో భారతీయులు 46.2 శాతంతో కువైట్‌లో అగ్రస్థానంలో.. ఫిలిప్పీన్స్ 24.7% మందితో రెండవ స్థానంలో ఉంది. భారతదేశానికి చెందిన పురుష గృహ జాబితాలో (213,000 మందితో) అగ్రస్థానంలో ఉండగా.. మహిళా గృహ కార్మికుల్లో ఫిలిప్పీన్స్ 161,000 మందితో జాబితాలో అగ్రస్థానంలో ఉంది. భారతదేశం, ఫిలిప్పీన్స్, బంగ్లాదేశ్, శ్రీలంక ఇలా 10 దేశాల వారు మొత్తం గృహ కార్మికుల సంఖ్యలో 95.1 శాతం ఉన్నారు.