జెడ్డా: అక్టోబర్ 2021లో మురికివాడల తొలగింపు ప్రారంభమైనప్పటి నుండి జెడ్డాలోని అభివృద్ధి చెందిన పరిసరాల నివాసితులకు అద్దెల కింద మొత్తం SR481 మిలియన్లు చెల్లించినట్లు జెడ్డా డెవలప్ మెంట్ ప్రాజెక్టు అధికారులు వెల్లడించారు. అలాగే అభివృద్ధి ప్రాజెక్ట్ ప్రారంభం నుండి జెడ్డాలోని నివాసితులకు ప్రభుత్వ సేవలు ఉచితంగా అందించబడుతున్నాయన్నారు. ఆహార బుట్టలు, మందులు, భోజనం, ఫర్నిచర్ రవాణా, పిల్లలకు పాలు సహా దాదాపు 97,000 సేవలు నివాసితులకు అందించబడుతున్నాయి. వీటికితోడు 348 డెవలప్‌మెంట్ హౌసింగ్ యూనిట్ల కేటాయింపుతో పాటు 269 మంది సౌదీ పురుషులు, మహిళలు ఉపాధి పొందుతున్నారు. 21,768 కుటుంబాలకు గృహాలను కేటాయించినట్లు ప్రాజెక్టు అధికారులు తెలిపారు.