సౌదీ: ఎలక్ట్రానిక్ పాస్‌పోర్ట్‌ను ఇప్పుడు అబ్షర్ ప్లాట్‌ఫారమ్ ద్వారా జారీ చేయవచ్చని సౌదీ జనరల్ డైరెక్టరేట్ ఆఫ్ పాస్‌పోర్ట్స్ (జవాజత్) ప్రకటించింది. సౌదీ ఎలక్ట్రానిక్ పాస్‌పోర్ట్ ను 2022 ఫిబ్రవరిలో ప్రారంభించిన విషయం తెలిసిందే. సౌదీ జాతీయులు, వారిపై ఆధారపడిన వారు ఇప్పుడు అబ్షర్‌లోని కుటుంబ సభ్యుల సేవల మెను ద్వారా వారి కోసం లేదా వారిపై ఆధారపడిన వారి కోసం ఇ-పాస్‌పోర్ట్ జారీ చేయడానికి అభ్యర్థనను సమర్పించవచ్చని జవాజాత్ స్పష్టం చేసింది. ఇ-పాస్‌పోర్ట్‌ను జారీ చేయడానికి 10 సంవత్సరాలు, అంతకంటే ఎక్కువ వయస్సు ఉన్నవారికి జాతీయ ID తప్పనిసరి అని జవాజత్ తెలిపింది. అబ్షర్ ప్లాట్‌ఫారమ్‌లో అందించే సేవలను పౌరులు సద్వినియోగం చేసుకోవాలని కోరింది.