యూఏఈ: నవంబర్ నెలలో పగటిపూట ఉష్ణోగ్రతలు తగ్గే అవకాశం ఉందని నేషనల్ సెంటర్ ఆఫ్ మెటియరాలజీ (NCM) చల్లని విషయం తెలిపింది. సగటు ఉష్ణోగ్రతలు అక్టోబర్‌లో ఉన్నదానికంటే నవంబర్ నెలలో 4 నుండి 6 డిగ్రీల సెల్సియస్ తరకు తగ్గుతాయని పేర్కొంది. ముఖ్యంగా పర్వత ప్రాంతాలు, కొన్ని లోతట్టు ప్రాంతాలలో రాత్రి సమయంలో ఉష్ణోగ్రతలు గణనీయంగా పడిపోతాయని తెలిపింది. నవంబర్‌లో గాలులు ఉదయం సమయంలో ఆగ్నేయ దిశగా.. పగటిపూట వాయువ్యం దిశగా వీస్తాయని వాతావరణ శాఖ వివరించింది. దీని కారణంగా కొన్ని ప్రాంతాల్లో దట్టమైన పొగమంచు ఏర్పడే అవకాశం ఉందన్నారు. నవంబర్ నెలకు సంబంధించి సగటు ఉష్ణోగ్రత 24 - 25 డిగ్రీల సెల్సియస్ మధ్య ఉంటుందని తెలిపింది. సగటు గరిష్ఠ ఉష్ణోగ్రత 29 - 31 డిగ్రీల సెల్సియస్ మధ్య ఉంటుంది. అయితే సగటు కనిష్ఠ ఉష్ణోగ్రత 19 - 21 డిగ్రీల సెల్సియస్ మధ్య ఉంటుంది. 2021లో స్వీహాన్‌లో అత్యధికంగా 39.9 డిగ్రీల ఉష్ణోగ్రత నమోదు కాగా.. 2009లో జెబెల్ జైస్‌లో అత్యల్ప ఉష్ణోగ్రత 4.1 డిగ్రీల సెల్సియస్ నమోదైందని వాతావరణ శాఖ వెల్లడించింది.