రియాద్: సింగిల్ ఎంట్రీ విజిట్ వీసాల గడువును మూడు నెలలకు పొడిగించేందుకు మంగళవారం సౌదీ అరేబియా మంత్రి మండలి ఆమోదం తెలిపింది. ఎలాంటి రుసుము లేకుండా ట్రాన్సిట్ వీసాల బస వ్యవధి కూడా 96 గంటలకు పొడిగించారు. అల్-యమామా ప్యాలెస్‌లో రెండు పవిత్ర మస్జీదుల సంరక్షకుడు కింగ్ సల్మాన్ అధ్యక్షతన జరిగిన క్యాబినెట్ వీక్లీ సెషన్ లో ఈ మేరకు వీసా మార్పులను ఆమోదించారు. ప్రస్తుతం సింగిల్-ఎంట్రీ ఫ్యామిలీ విజిట్ వీసాలు 30 రోజులు చెల్లుబాటు అవుతుండగా, మల్టిపుల్ ఎంట్రీ వీసాలు 90 రోజులపాటు చెల్లుబాటు అవుతున్నాయి.