మస్కట్: దొంగతనాలకు పాల్పడుతున్న ఇద్దరు నకిలీ పోలీసులను అరెస్ట్ చేసినట్లు రాయల్ ఒమన్ పోలీసులు (ROP) వెల్లడించారు. ధోఫర్ గవర్నరేట్ పోలీస్ కమాండ్ పరిధిలో ఓ వ్యక్తి పోలీసునంటూ.. బలవంతంగా వసూళ్లు చేశాడనే ఆరోపణలపై అరెస్టు చేసినట్లు పేర్కొంది. అలాగే మస్కట్ గవర్నరేట్ పోలీస్ కమాండ్ పరిధిలో పోలీసుగా నటించి దొంగతనం చేసిన ఆరోపణలపై మరో వ్యక్తిని అరెస్టు చేసినట్లు తెలిపింది. విచారణను పూర్తి చేసేందుకు నిందితులను న్యాయశాఖ అధికారులకు అప్పటించినట్లు ఆర్‌ఓపి పేర్కొంది.