యూఏఈ: యూఏఈ కేనెట్ అధికారికంగా 2022కి సంబంధించి యూఏఈ జాతీయ దినోత్సవం, స్మారక దినోత్సవ సెలవులను ప్రకటించింది. ఈ సెలవులు డిసెంబర్ 1( గురువారం) నుండి డిసెంబర్ 3 (శనివారం) వరుసగా నాలుగు రోజులపాటు ఉన్నాయి. యూఏఈలో ఆదివారం సెలవుదినం కాబట్టి తిరిగి డిసెంబర్ 5( సోమవారం)న కార్యాలయాలు పునఃప్రారంభం అవుతాయి. యూఏఈ అమరవీరుల త్యాగాలను స్మరించుకోవడానికి ఏటా నవంబర్ 30న వార్షిక స్మారక దినోత్సవాన్ని నిర్వహిస్తుంది. 51వ జాతీయ దినోత్సవం సందర్భంగా ఆర్గనైజింగ్ కమిటీ "ఎపిక్" అధికారిక ప్రదర్శనను ఏర్పాటు చేసింది. ప్రతి ఒక్కరూ డిసెంబర్ 3 నుండి 11 వరకు అబుధాబి నేషనల్ ఎగ్జిబిషన్ సెంటర్ (అడ్నెక్)లో జరిగే ఉత్సవాల్లో భాగం కావచ్చని యూఏఈ కేబినెట్ తెలిపింది. అలాగే ఈ కార్యక్రమం డిసెంబర్ 2న యూఏఈ నేషనల్ డే అధికారిక వెబ్‌సైట్‌తోపాటు అన్ని స్థానిక టీవీ ఛానెల్‌లలో ప్రత్యక్ష ప్రసారం చేయబడుతుందని పేర్కొన్నది.