కువైట్‌: యూరోపియన్‌ దేశం నుంచి వస్తున్న మెయిల్‌లో ఉన్న 24 క్రాటోమ్‌ బాటిళ్లను విమానాశ్రయంలో స్వాధీనం చేసుకున్నట్లు కువైట్‌ కస్టమ్స్‌ అధికారులు వెల్లడించారు. దేశానికి వచ్చే సరుకులపై మరింత శ్రద్ధ వహించనున్నట్లు కస్టమ్స్ విభాగం స్పష్టం చేసింది. యూరోపియన్ దేశం నుంచి వచ్చిన ఓ కంసైన్ మెంట్ పై అనుమానం రావడంతో కస్టమ్స్ ఇన్‌స్పెక్టర్లు తనిఖీ చేసినట్లు పేర్కొంది. రెండు అట్టపెట్టేల్లో ప్యాక్ చేసిన సీల్ చేసిన 24 బాటిళ్ల క్రాటోమ్‌ను గుర్తించి స్వాధీనం చేసుకున్నట్లు పేర్కొన్నారు. సీసాలలో లిక్విడ్ క్రాటోమ్ అని  పిలువబడే మిట్రాజినా స్పెసియోసా అనే రసాయనం ఉంటుందని, తదుపరి పరిశోధనల కోసం సంబంధిత విభాగాలకు వాటిని తరలించినట్లు కువైట్ కస్టమ్స్ విభాగం తెలిపింది.