హైబ్రీడ్ పిల్ల.. ఒక్కటే పీస్.. అంటూ ‘ఫిదా’ సినిమాతో తెలుగు ప్రేక్షకుల్ని ఫిదా చేసిన ముద్దుగుమ్మ సాయి పల్లవి. అవును నిజమే. హీరోయిన్ల యందు సాయి పల్లవి వేరయా అని నిస్సందేహంగా అనేయొచ్చు. 
లేడీ పవర్ స్టార్ అంటూ అభిమానులు సాయి పల్లవిని ముద్దుగా పిలుచుకుంటారు. ఇంత గొప్ప ఇమేజ్ దక్కించుకున్న సాయి పల్లవి ఇకపై సినిమాల్లో నటించదా.? అంటే ఓ గాసిప్ తాజాగా చక్కర్లు కొడుతోంది.
సాయి పల్లవి డాక్టర్ అన్న సంగతి తెలిసిందే. జార్జియాలో ఎమ్‌బిబియస్ పూర్తి చేసిన సాయి పల్లవి సినిమాలపై ఆసక్తితో నటిగా మారింది. ఎప్పుడు తనకు సినిమాల్లో అవకాశాలు తగ్గుతాయో, అప్పుడు డాక్టర్ వృత్తిని కొనసాగిస్తా.. అని గతంలో పలుమార్లు చెప్పింది సాయి పల్లవి.
ఆ సమయం వచ్చినట్లుందనిపిస్తోంది. ప్రస్తుతం సాయి పల్లవి చేతిలో సినిమాలేమీ లేవు. సో, ఆమె యాక్టింగ్‌కి గుడ్ బై చెప్పేసి, డాక్టర్‌గా కొనసాగాలనుకుంటోందని ప్రచారం జరుగుతోంది. కానీ, ఇప్పుడు అవకాశాలు లేకపోతే లేకపోవచ్చు. కానీ, మంచి అవకాశాలు వస్తే, నటించేందుకు సాయి పల్లవి రెడీగానే వుంటుందని, ఖాళీ సమయాన్ని వృథా చేయకుండా, డాక్టర్ ప్రొఫిషన్‌తో బిజీ కానుందని మరోపక్క ప్రచారం జరుగుతోంది.