ఐకాన్ స్టార్ అల్లు అర్జున్ నటించిన ‘పుష్ప’ అనూహ్యమైన విజయం అందుకున్న సంగతి తెలిసిందే. తెలుగులో ఊహించని వసూళ్లు కొల్లగొట్టిన ‘పుష్ప’, రీసెంట్‌గా బాలీవుడ్‌లోనూ రిలీజై రికార్డు వసూళ్లు సాధించింది.
ఇక, ఇప్పుడు ఈ సినిమాని రష్యాలో రిలీజ్ చేసేందుకు చిత్ర యూనిట్ సన్నాహాలు చేస్తోంది. డిశంబర్ 8న ‘పుష్ప’ రష్యాలో రిలీజ్ చేసేందుకు డేట్ ఫిక్స్ చేశారు.
ఈ నేపథ్యంలో జోరుగా ప్రమోషన్లు నిర్వహిస్తున్నారు. రష్యన్ లాంగ్వేజ్‌లో రిలీజ్ చేసిన ‘పుష్ప’ ట్రైలర్‌కి మంచి రెస్పాన్స్ వస్తోంది. సినిమా కూడా మంచి విజయం అందుకుంటే, తెలుగు సినిమాకి రష్యాలో సరికొత్త శకం మొదలవుతుందని ఆశా భావం వ్యక్తం చేస్తున్నారు. 
రీసెంట్‌గా జపాన్‌లో ‘ఆర్ఆర్ఆర్’ రిలీజ్ చేసిన సంగతి తెలిసిందే. అక్కడ కూడా మంచి విజయం అందుకుంది ‘ఆర్ఆర్ఆర్’. అలాగే రష్యాలో ‘పుష్ప’ కూడా అంచనాలు అందుకుంటే, తెలుగు సినిమా ఖ్యాతి ప్రపంచ వ్యాప్తంగా మరింత పాతుకుపోతుందని తెలుగు సినీ జనం ఆశగా ఎదురు చూస్తున్నారు.
అంతా బాగానే వుంది కానీ, రష్యన్ రిలీజ్ ప్లాన్ చేసిన ‘పుష్ప’ అండ్ టీమ్, క్యాలెండ్ మారిపోతున్నా, ‘పుష్ప 2’ని ఇంకా పట్లాలెక్కించలేకపోతోంది ఎందుకో.!