హైదరాబాద్: తెలంగాణ రాష్ట్ర కేబినెట్ సమావేశం ఈనెల 10న జరుగనుంది. ఈ భేటీలో పలు కీలక అంశాలపై చర్చించనున్నారు. హైదరాబాద్ లోని ప్రగతి భవన్ లో సీఎం కేసీఆర్ అధ్యక్షతన జరుగున్న ఈ సమావేశంలో ధాన్యం కొనుగోళ్ల విషయంపై చర్చించే అవకాశం ఉంది. స్వంత స్థలాలు ఉన్న బలహీన వర్గాలకు ఇళ్లు నిర్మించుకునేందుకు ఆర్థిక సాయం చేస్తామని సీఎం కేసీఆర్ ఆదివారం జరిగిన మహబూబ్ నగర్ లోని బహిరంగ సభలో ప్రకటించిన విషయం తెలిసిందే.

ఈ నేపథ్యంలో రైతుబంధు నిధుల విడుదల, దళితబంధు పథకం అమలు వంటి పలు అంశాలపై సమావేశంలో చర్చించనున్నట్లు తెలుస్తోంది. శనివారం జరుగనున్న కేబినెట్ సమావేశానికి వివిధ శాఖల మంత్రులు హాజరుకానున్నారు.