సౌదీ అరేబియా: నియోమ్ (NEOM) కొత్త ద్వీపం సిందాలాహ్ అభివృద్ధి ప్రాజెక్ట్ వివరాలను సౌదీ క్రౌన్ ప్రిన్స్ మొహమ్మద్ బిన్ సల్మాన్ వెల్లడించారు. ఇది సౌదీ అరేబియా పర్యాటక రంగం వృద్ధికి దోహదం చేస్తుందన్నారు. NEOMలో అభివృద్ధి చేయబడే ద్వీపాల సమూహంలో ఒకటైన సిందాలాహ్.. 840,000 చదరపు మీటర్ల విస్తీర్ణంలో ఉన్న మొదటి విలాసవంతమైన ద్వీపంగా నిలవనున్నది. ఎర్ర సముద్రానికి ప్రధాన గేట్‌వేగా ఇది మారనుంది. సిందాలాహ్ ద్వీపం 2024 ప్రారంభంలో సందర్శకులకు అందుబాటులోకి రానున్నది. ఈ ప్రాజెక్ట్ పర్యాటక రంగం, ఆతిథ్య  రంగాలలో కొత్తగా 3,500 ఉద్యోగాలను సృష్టించేందుకు సహాయపడుతుందని సౌదీ క్రౌన్ ప్రిన్స్ మొహమ్మద్ బిన్ సల్మాన్ వెల్లడించారు.

సిందాలాహ్ ద్వీపంలో అంతర్జాతీయ యాచింగ్ అనుభవాన్ని అందించనున్నది. ఇక్కడ  ప్రతిష్టాత్మకమైన 86-బెర్త్ మెరీనాను ఏర్పాటు చేయనున్నారు. ఇది విలాసవంతమైన నౌకలకు అనువైన గమ్యస్థానంగా మారుతుంది.  ఇది 413 అల్ట్రా-ప్రీమియం హోటల్ గదుల నుండి 333 టాప్-ఎండ్ సర్వీస్డ్ అపార్ట్‌మెంట్‌ల వరకు వివిధ వసతి ఎంపికలను కూడా అతిథులకు అందుబాటులో ఉంటాయి.