ఇటీవలే ‘గాడ్ ఫాదర్’ సినిమాతో తెలుగు ప్రేక్షకుల్ని పలకరించిన నయన తార తాజాగా మరో చిత్రంలో నటించింది. అదే ‘కనెక్ట్’. హారర్ నేపథ్యంలో రూపొందిన చిత్రమిది. తాజాగా రిలీజ్ చేసిన ఈ సినిమా ట్రైలర్ ఆధ్యంతం ఆకట్టుకుంటోంది.
అశ్విన్ శరవణన్ దర్శకత్వంలో తెరకెక్కిన ఈ సినిమాని రౌడీ పిక్చర్స్ బ్యానర్‌లో నయన తార స్వయంగా నిర్మించడం విశేషం. తెలుగులో ఈ సినిమాని యూవీ క్రియేషన్స్ రిలీజ్ చేస్తోంది. డిశంబర్ 22న ‘కనెక్ట్’ రిలీజ్ కాబోతోంది. 
99 నిమిషాల నిడివితో, ఇంటర్వెల్ లేకుండా ఈ సినిమాని లాక్ చేశారు. ఇంటర్వెల్ లేకుండా సినిమాని నడిపించడం అనేది నిజంగా సాహసమే అని చెప్పాలి. టైటిల్‌లోనే వుందిగా. ‘కనెక్ట్’ అని. ఆ కనెక్షన్ దెబ్బ తినకూడదనే వుద్దేశ్యంతోనే ఈ సినిమాని ఇంటర్వెల్ లేకుండా నడిపించారట. ట్రైలర్‌తోనే అంతలా కనెక్ట్ చేసిన మేకర్లు, సినిమాతో ఇంకెంతలా కనెక్ట్ చేస్తారో చూడాలి మరి. 
నయన్ స్వీయ నిర్మాణంలో వస్తున్న ఈ ప్రయోగాత్మక చిత్రం, ఆడియన్స్‌లో ట్రైలర్‌తోనే విపరీతమైన ఆసక్తి పెంచేసింది.