2015 మార్చ్‌తో పోల్చితే 2016 మార్చ్‌లో రోడ్డు ప్రమాదాల్లో 30.8 శాతం తగ్గడం ఆహ్వానించదగ్గ విషయం. రోడ్డు ప్రమాదాల్లో గాయపడ్డవారి సంఖ్య 21.8 శాతానికి తగ్గింది. ఈ సంఖ్య 236గా ఉంది. రోడ్డు ప్రమాద మృతుల సంఖ్య 57కి తగ్గింది. ఇది 1.2 శాతం తగ్గుదల నమోదు చేసింది. నేషనల్‌ సెంటర్‌ ఫర్‌ స్టాటిస్టిక్స్‌ అండ్‌ ఇన్ఫర్మేషన్‌ వెల్లడించిన వివరాలు ఇవి. అయితే ఫిబ్రవరితో పోల్చి చూసినప్పుడు మార్చ్‌లో రోడ్డు ప్రమాదాల సంఖ్య ఎక్కువగానే ఉంది. ఫిబ్రవరిలో 45 మంది మృతి చెందితే, 207 మంది గాయాలపాలయ్యారు. రోడ్డు ప్రమాదాల్లో మృతి చెందిన ఒమనీయుల శాతం 3.7కి పెరిగింది. మార్చ్‌లో 40 మంది మృతి చెందారు. ప్రమాదాల్లో మృతి చెందిన మహిళల శాతం గణనీయంగా తగ్గింది. పురుషుల సంఖ్య మాత్రం పెరిగింది. మృతి చెందిన వలసదారుల శాతం 11.1 శాతంగా ఉంది.