శ్రీలంక బ్యూటీ జాక్వెలీన్ ఫెర్నాండెజ్ పేరు హీరోయిన్‌గానే కాకుండా ఈ మధ్య మరోరకంగానూ ట్రెండ్ అయిన సంగతి తెలిసిందే. మనీ ల్యాండరింగ్ కేసు నిమిత్తం జాక్వెలీన్ పేరు తెగ మార్మోగిపోయింది.
సుశేష్ చంద్రశేఖర్‌కి బినామీగా 200 కోట్ల మనీ ల్యాండరింగ్ కేసులో జాక్వెలీన్‌కీ ఓ హస్తం వున్నట్లు ఆరోపణలు ఎదుర్కొంటోంది. ఈ కేసు నిమిత్తం జాక్వెలీన్‌పై ఈడీ చేసిన ప్రత్యేక విచారణలో భాగంగా ఆమె మరికొంతమంది సినీ ప్రముఖుల పేర్లను ఈడీ అధికారులకు ముందుంచింది.
ఆ క్రమంలో ఐటెం గాళ్ నోరా ఫతేహి పేరును జాక్వెలీన్ ప్రస్థావించింది. దాంతో, మండి పడ్డ నోరా ఫతేహి, జాక్వెలీన్‌పై పరువు నష్టం దావా వేసింది.
తన సక్సెస్‌ని ఓర్వలేకే జాక్వెలీన్ ఇలా చేసిందనీ, తనకూ, ఆ కేసుకూ ఎలాంటి సంబంధం లేదని నోరా ఫతేహి గగ్గోలు పెడుతోంది. కావాలనే నన్ను ఈ కేసులో ఇరికించిందంటూ జాక్వెలీన్‌పై రివర్స్ అయ్యింది నోరా ఫతేహి. జాక్వెలీన్ ఇచ్చిన ఆధారాలతో నోరా ఫతేహిని ఈడీ అధికారులు విచారణ చేయాల్సి వచ్చింది. ఈ కేసును ఈ నెల 19కి వాయిదా వేశారు.