నార్త్‌లో రష్మికా మండన్నా వరుస సినిమాలతో బిజీగా వున్న సంగతి తెలిసిందే. నార్త్‌లో ఎంత బిజీగా వుంటే మాత్రం అసలు స్టార్‌డమ్ తెచ్చిపెట్టిన సౌత్ సినిమాని తక్కువ చేస్తే ఎలా.?
ఇదే ఇప్పుడు రష్మిక చుట్టూ రాజుకుంటున్న చిచ్చు. బాలీవుడ్‌లో రష్మిక నటించిన ‘మిషన్ మజ్ను’ సినిమా త్వరలో రిలీజ్‌కి సిద్ధంగా వున్న నేపథ్యంలో ప్రమోషన్లలో జోరుగా పాల్గొంటోంది రష్మికా మండన్నా.
ఈ క్రమంలోనే అనుకోకుండా నోరు జారిందో, లేక కావాలనే కామెంట్ చేసిందో తెలీదు కానీ, రొమాంటిక్ సాంగ్స్ అంటే అవి బాలీవుడ్ సాంగ్సే. సౌత్‌లో రొమాంటిక్ సాంగ్స్‌కి డాన్స్, మాస్ మసాలా ఐటెం అంశాలన్ని జోడించేస్తుంటారు అంటూ వ్యాఖ్యానించింది.
ఈ వ్యాఖ్యలతో రష్మిక మరోసారి టార్గెట్ అయిపోయింది. అంతేగా.! సౌత్‌లో రొమాంటిక్ సాంగ్సే వుండవు. ఐటెం సాంగ్సే వుంటాయ్ అన్నట్లుగా కన్‌ఫామ్ చేసినట్లయ్యింది రష్మిక. దాంతో, సోషల్ మీడియా వేదికగా రష్మికపై నెక్స్‌ట్ లెవల్ ట్రోలింగ్ జరుగుతోంది.