అందాల భామ అనుపమా పరమేశ్వరన్ కెరీర్ ఈ మధ్య రయ్ రయ్ మంటూ పరుగులు తీస్తోంది. బ్యాక్ టు బ్యాక్ రెండు సూపర్ హిట్లు తన ఖాతాలో వేసుకుంది ఈ మధ్య అనుపమా పరమేశ్వరన్. 
‘కార్తికేయ 2’తో సెన్సేషనల్ హిట్ కొట్టిన అనుపమా, వెరీ లేటెస్టుగా ‘18 పేజెస్’తో మరో హిట్‌ని తన ఖాతాలో వేసుకుంది. తాజాగా ‘బటర్ ఫ్లై’ అనే సినిమాతో ఓటీటీలో ప్రత్యక్షమైంది అనుపమా పరమేశ్వరన్.
లేడీ ఓరియెంటెడ్ మూవీ ఇది. టైటిల్ చూసి ఆసక్తిగా అనిపించింది. కానీ, సినిమా మాత్రం ప్రేక్షకుల సహనానికి పరీక్ష అనే చెప్పొచ్చు. ఎంతో నమ్మకంగా వున్న పనిమనిషి కారణంగా అనుపమా అనుభవించిన స్ట్రగుల్ నేపథ్యంలో ఈ సినిమా తెరకెక్కింది.
కాన్సెప్ట్ పాతదే అయినా, కథనం కొత్తగా చూపించి వుంటే బాగుండేది. కానీ, పక్కా బోరింగ్ బటర్ ఫ్టై. ఓటీటీ ప్రేక్షకులు ఈ మధ్య కాలంలో ఇంత బోరింగ్‌గా ఫీలైన సినిమా మరోటి లేదంటూ కామెంట్లు వస్తున్నాయ్. ఇంత డల్ అండ్ రొటీన్ కాన్సెప్ట్ అనుపమా ఎందుకు ఎంచుకున్నట్లో మరి.