మినిస్ట్రీ ఆఫ్‌ ఎనర్జీ, మే నెల కోసం చమురు ధరల్ని పెంచుతున్నట్లు వెల్లడించింది. పెరగనున్న ధరల వివరాల్ని మినిస్ట్రీ వర్గాలు వెల్లడించాయి. ఇ-ప్లస్‌ 91 లీటర్‌ ధర 1.60 దిర్హామ్‌లు కాగా, సూపర్‌ 98 ధర 1.78 దిర్హామ్‌లు. స్పెషల్‌ 95 ఫ్యూయల్‌ 1.67 దిర్హామ్‌లకు లభిస్తుంది. డీజిల్‌ ధర లీటర్‌ 1.60 దిర్హామ్‌లు. ఏప్రిల్‌తో పోల్చితే అన్ని ధరలూ పెంచబడ్డాయి. 2015 జులై నుంచి ప్రభుత్వం ఫ్యూయల్‌ ధరల్ని డిరెగ్యులైజేషన్‌ చేస్తూ వస్తోంది. అంతర్జాతీయ మార్కెట్‌కి తగ్గట్టుగా ఫ్యూయల్‌ ధరల్లో మార్పులు చోటుచేసుకుంటున్నాయి. తాజాగా పెరిగిన ధరలు మే 1 నుంచి అమల్లోకి వస్తాయి.