యూఏఈ: 2023 సంవత్సరానికి ప్రపంచంలోని 10 సురక్షితమైన నగరాల జాబితాలో అబుధాబి, దుబాయ్, షార్జా, అజ్మాన్ నగరాలు నిలిచాయి. http://numbeo.com నివేదిక ప్రకారం అబుధాబి మొదటి స్థానంలో నిలువగా అజ్మాన్ నాల్గవ స్థానంలో, షార్జా, దుబాయ్‌లు వరుసగా 5, 7 స్థానాల్లో నిలిచాయి. భద్రత, స్థిరత్వం, శ్రేయస్సు అంశాల ఆధారంగా ప్రపంచ వ్యాప్తంగా నగరాలకు రేటింగ్‌లు ఇచ్చి సురక్షితమైన నగరాల జాబితాను రూపొందించారు.

అజ్మాన్ పోలీసు కమాండర్-ఇన్-చీఫ్ మేజర్ జనరల్ షేక్ సుల్తాన్ బిన్ అబ్దుల్లా అల్ నుయిమి, ఫెడరల్ సుప్రీం కౌన్సిల్ సభ్యుడు హిస్ హైనెస్ షేక్ హుమైద్ బిన్ రషీద్ అల్ నుయిమి మాట్లాడుతూ.. అజ్మాన్ సాధించిన భద్రతకు ర్యాంకింగ్ లభించిందని పేర్కొన్నారు. నేరాలను తగ్గించడానికి, రోడ్లపై ట్రాఫిక్ భద్రతను పెంపొందించడానికి, అత్యవసర పరిస్థితుల్లో వేగవంతమైన ప్రతిస్పందన, అధిక-నాణ్యత సేవలను అందించడానికి అజ్మాన్ పోలీసులు అనేక భద్రతా ప్రాజెక్టులు, కార్యక్రమాలను అమలు చేశారని ఆయన తెలిపారు.