హీరోగా తనకంటూ ప్రత్యేకమైన స్థానం దక్కించుకున్న నటుడు శ్రీకాంత్, ఇప్పుడు క్యారెక్టర్ ఆర్టిస్టుగానూ రాణిస్తున్నాడు. ‘రేసుగుర్రం’ సినిమాలో అల్లు అర్జున్‌కి బాబాయ్‌గా కీలక పాత్ర పోషించాడు. 
ఇప్పుడు ‘వారసుడు’ కోసం విజయ్‌కి అన్నగా నటిస్తున్నాడు. ఈ సినిమాతో శ్రీకాంత్ తొలిసారి తమిళంలో అడుగుపెడుతున్నాడు. విజయ్‌తో నటించడం తనకెంతో సంతోషంగా వుందని ఈ సందర్భంగా శ్రీకాంత్ తెలిపారు.
స్టార్ హీరో అయినా విజయ్ చాలా సింపుల్‌గా వుంటాడనీ, కామ్ గోయింగ్ పర్సన్ అనీ చెప్పాడు. అలాగే, అస్సలు క్యారవాన్ వినియోగించడట విజయ్. సెల్ ఫోన్ కూడా చాలా తక్కువ వాడుతుంటాడట. విజయ్‌లాంటి నటుడి సినిమాతో తమిళంలోకి అడుగు పెట్టడం అనేది ఓ మంచి అనుభూతి.. ఈ సినిమా తమిళంలో నాకు మంచి డెబ్యూ అవుతుంది.. అని శ్రీకాంత్ తాజాగా ఓ ఇంటర్వ్యూలో చెప్పారు.
సంక్రాంతికి ఈ సినిమా రిలీజ్ కాబోతున్న సంగతి తెలిసిందే. వంశీ పైడిపల్లి దర్శకత్వంలో తెరకెక్కిన ఈ సినిమాకి దిల్ రాజు నిర్మాత. జనవరి 11న ప్రేక్షకుల ముందుకు రానుంది.