హైదరాబాద్: ఎంప్లాయిస్‌ ఇన్సూరెన్స్‌ కార్పొరేషన్‌ (ESIC) పలు పోస్టుల భర్తీకి నోటిఫికేషన్‌ జారీ చేసింది. హైదరాబాద్‌లోని సనత్‌ నగర్‌కు చెందిన ఈఎస్‌ఐలో పలు ఉద్యోగాలను భర్తీ చేయనున్నారు. నోటిఫికేషన్‌లో భాగంగా పలు విభాగాల్లో ఉన్న టీచింగ్ పోస్టులను భర్తీచేయనున్నారు.పూర్తి వివరాల కోసం ఈ క్రింద లింకు క్లిక్ చెయ్యగలరు.

https://www.esic.gov.in/recruitments

భర్తీ చేయనున్న ఖాళీలు, అర్హతలు..

• నోటిఫికేషన్‌లో భాగంగా వివిధ విభాగాల్లో ఉన్న 106 ఖాళీలను భర్తీ చేయనున్నారు.
• వీటిలో ప్రొఫెసర్లు, అసోసియేట్‌ ప్రొఫెసర్లు, అసిస్టెంట్‌ ప్రొఫెసర్లు, సూపర్‌ స్పెషలిస్ట్‌, సీనియర్‌ రెసిడెంట్లు, జూనియర్‌ రెసిడెంట్లు పోస్టులు ఉన్నాయి.
• అనాటమీ, ఫిజియాలజీ, ఆర్థోపెడిక్స్‌, పెడియాట్రిక్‌ సర్జరీ, ఆంకాలజీ, జనరల్‌ మెడిసిన్‌, ఎమర్జన్సీ మెడిసిన్‌, పాథాలజీ, పెడియాట్రిక్స్‌ విభాగాల్లో ఈ ఖాళీలు ఉన్నాయి.
• పైన తెలిపిన పోస్టులకు దరఖాస్తు చేసుకునే అభ్యర్థులు పోస్టుల ఆధారంగా సంబంధిత స్పెషలైజేషన్‌లో బీడీఎస్‌ డిగ్రీ/ ఎంబీబీఎస్‌/ పీజీ డిగ్రీ/ డీఎం/ ఎంసీహెచ్‌ ఉత్తీర్ణత సాధించి ఉండాలి.
• అభ్యర్థుల వయసు 30 నుంచి 67 ఏళ్ల మధ్య ఉండాలి.

ముఖ్యమైన విషయాలు..

• ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
• అభ్యర్థులను రాత పరీక్ష/ ఇంటర్వ్యూ ఆధారంగా ఎంపిక చేస్తారు.
• ఎంపికైన అభ్యర్థులకు పోస్టుల ఆధారంగా నెలకు రూ. 1,05,356 నుంచి రూ. 2,22,543 వరకు చెల్లిస్తారు.
• దరఖాస్తుల స్వీకరణ ప్రక్రియ 09-01-2023న ప్రారంభమై 16-01-2023తో ముగియనుంది.
•  ఇంటర్వ్యూలను 20-01-2023 నుంచి 31-01-2023 వరకు నిర్వహిస్తారు.