నందినీ రెడ్డి దర్శకత్వంలో సమంత, నాగ చైతన్య ఓ సినిమా చేయాల్సి వుంది. ఇద్దరూ ఆ ప్రాజెక్ట్‌పై సైన్ చేశారు. అయితే, ఇదంతా గతం. సమంత, చైతూ కలిసున్నప్పటి విషయం. ఆ తర్వాత వీరిద్దరూ అభిప్రాయ బేధాల కారణంగా విడిపోయి విడాకులు తీసుకోవడం తెలిసిన సంగతే.
అయితే, పర్సనల్ లైఫ్ వేరు, ప్రొషిషనల్ లైఫ్ వేరు.. ముందుగా కమిట్ అయిన ప్రాజెక్ట్ కంప్లీట్ చేస్తారనే భావించారంతా. కానీ, అలా జరగలేదు. ఆ ప్రాజెక్ట్ నుంచి చైతూ తప్పుకున్నాడు. కానీ, సమంత మాత్రం తప్పుకోలేదు. చైతూ ప్లేస్‌లో ఏ హీరో వచ్చినా తనకు ఓకే అని సంకేతాలిచ్చిందట. 
అలా, ఆ ప్రాజెక్ట్ కాస్త ముందుకు జరిగి, చైతూ ప్లేస్‌లో నాని పేరు వినిపిస్తోంది. నాని, సమంత కాంబినేషన్‌లో నందినీ రెడ్డి ఈ ప్రాజెక్ట్‌ని త్వరలోనే సెట్స్ మీదికి తీసుకెళ్లనుందని తెలుస్తోంది. అన్నట్లు మయో సైటిస్ చికిత్స నుంచి తేరుకున్న సమంత ఇటీవలే తన ఫిట్‌నెస్‌పై కసరత్తులు మొదలెట్టింది. త్వరలోనే ‘ఖుషీ’ సినిమా పూర్తి చేసే దిశగా సమంత తను తాను సిద్దం చేసుకుంటున్నట్లు తెలుస్తోంది.