రియాద్: సౌదీ అరేబియాలో కొత్త ట్రాన్సిట్ వీసా అమల్లోకి వచ్చింది. ఇది ప్రయాణీకులు దేశం  మీదుగా వెళ్ళినప్పుడు 4 రోజుల పాటు ట్రాన్సిట్ వీసాను పొందేందుకు వీలు కల్పిస్తుంది. విమానయాన సంస్థ నుండి టిక్కెట్‌ను కలిగి ఉన్న ప్రయాణీకులు 96 గంటలపాటు దేశంలో ఉండేందుకు వీలు కల్పింస్తుంది. ఆ సమయంలో వారు హజ్, ఉమ్రా చేయవచ్చని సౌదియా గతంలో పేర్కొంది. ఎలక్ట్రానిక్ సేవ సోమవారం నుండి అమలులోకి వస్తుంది. ఇది సౌదీ ఆధారిత విమానయాన సంస్థలు సౌదియా, ఫ్లినాస్ వెబ్‌సైట్‌ల ద్వారా అప్లికేషన్‌లో అందుబాటులో ఉంటుంది. వచ్చిన దరఖాస్తులను విదేశీ వ్యవహారాల మంత్రిత్వ శాఖ పంపుతారు. వారు వాటిని ప్రాసెస్ చేసి, డిజిటల్ వీసాను జారీ చేస్తారు. వీసా ఉచితం. మూడు నెలల చెల్లుబాటులో ఉంటుంది.