ప్రముఖ ఓటీటీ ఛానెల్ ఆహా వేదికగా ప్రసారమవుతున్న ‘అన్‌స్టాపబుల్ 2’ టాక్ షోలో పవన్ కళ్యాణ్ ఎపిసోడ్ ఉత్కంఠ రేపుతున్న సంగతి తెలిసిందే. సంక్రాంతి టైమ్‌లో ప్రసారం కావల్సిన ఈ ఎపిసోడ్ అనుకోని కారణాల వల్ల పోస్ట్ పోన్ అయ్యింది.

ఫిబ్రవరి 3న ప్రసారం కానున్నట్లుగా అధికారికంగా తెలిపింది ఆహా టీమ్. అయితే అభిమానుల కోరిక మేరకు ఒక్క రోజు ముందు అనగా ఫిబ్రవరి 2 రాత్రి 9 గంటలకు టెలికాస్ట్ కానుంది. అంతా బాగానే వుంది.

గతంలో ప్రబాస్ ఎపిసోడ్‌ని ఆహా ట్యాకిల్ చేయలేకపోయింది. అభిమానులంతా ఒక్కసారిగా పోటెత్తడంతో సర్వర్ సమస్యలు తలెత్తి కొన్ని గంటల సేపు ఆ ఎపిసోడ్ తాత్కాలికంగా పని చేయలేదు.

దాంతో, పవన్ కళ్యాణ్ ఎపిసోడ్ కోసం ఆహా కొన్ని ప్రత్యేక టీమ్స్‌ని సెట్ చేసిందట. ముందుగానే ఆ టీమ్ తమ వర్క్ మొదలెట్టేశాయట. ఎంతమంది పోటెత్తినా సర్వర్ క్రష్ అవ్వకుండా వుండాలన్న వుద్దేశ్యంతో ఈసారి ఆహా బాగానే జాగ్రత్త పడిపోయిందన్నమాట.