జెడ్డా: సమగ్ర రవాణా వ్యవస్థ ప్రణాళికలను అభివృద్ధి చేయడానికి ఫీల్డ్ సర్వేను ప్రారంభించినట్లు జెడ్డా మున్సిపాలిటీ ప్రకటించింది. ఇది రవాణా నమూనాను అభివృద్ధి చేయడానికి, నవీకరించడానికి వివరణాత్మక సమగ్ర రవాణా ప్రణాళికను సిద్ధం చేయడానికి అవసరమైన సాధనాలను ఈ సర్వే అందిస్తుందని తెలిపింది. రవాణా వ్యవస్థకు భవిష్యత్తు ప్రణాళికను రూపొందించడంలో, అలాగే జీవన నాణ్యతను మెరుగుపరచడంలో ఈ ప్రాజెక్ట్ దోహదపడుతుందని మున్సిపాలిటీ పేర్కొన్నది. మున్సిపాలిటీ నిర్వహించే క్షేత్రస్థాయి సర్వేలో భాగంగా ట్రాఫిక్ పరిమాణాలు, సామర్థ్యాలను తెలుసుకోవడానికి  ట్రాఫిక్ గణన చేపట్టనున్నారు. జెడ్డా లోపల మరియు వెలుపల రహదారి నెట్‌వర్క్‌ను లెక్కించడం వంటివి కూడా ఇందులో ఉందని మున్సిపాలిటీ వెల్లడించింది. ఫీల్డ్ వర్క్‌లో జనాభా రోజువారీ ట్రాఫిక్ ట్రిప్పులను సర్వే చేయడం, ఆపై ఈ కదలికలను సులభతరం చేయడానికి భవిష్యత్తు ప్రణాళికను రూపొందించడం, ప్రతి ట్రిప్ వ్యవధిని తగ్గించడం వంటి లక్ష్యంతో ఇళ్లలోని కుటుంబాలతో ఇంటర్వ్యూలు నిర్వహించడం ఉంటుందన్నారు. మున్సిపాలిటీ అన్ని ఏజెన్సీలు, పౌరులు, నివాసితులు (బిజినెస్ స్టాటిస్టికల్ రీసెర్చ్ కార్పొరేషన్) నుండి తమ ప్రతినిధులతో సర్వే నిర్వహించి, అధ్యయన లక్ష్యాన్ని చేరుకోవడానికి సరైన సమాచారాన్ని అందించడానికి సహకరించాలని మున్సిపాలిటీ కోరింది.