హోటల్ భోజనం ఎప్పుడైనా ఓకే కానీ.. రోజూ తినాలంటే చాలా కష్టం. అమ్మచేతి వంటకు అలవాటు పడిన చెఫ్‌లు ఎంత రుచిగా వండినా నోటికి రుచించదు. అందుకే ఫుడ్ డెలివరీ సర్వీస్ సంస్థ జొమాటో ఓ వినూత్న ప్రక్రియకు శ్రీకారం చుట్టింది. తన ప్రియమైన కస్టమర్లకు ఇంటి ఫుడ్ రుచి చూపించాలనుకుంటోంది. అందుకే జొమాటో ఎవ్రీడే అనే కొత్త ప్రాజెక్ట్ చేపట్టింది. దీనిలో భాగంగా రియల్ హోమ్ చెఫ్‌లు తయారుచేసే చవకైన తాజా భోజనాన్ని అందించనున్నట్లు ప్రకటించింది. పైలట్ ప్రాజెక్ట్‌గా, Zomato ఎవ్రీడే ప్రస్తుతం గురుగ్రామ్‌లోని ఎంపిక చేసిన ప్రాంతాల్లో మాత్రమే అందుబాటులో ఉంచబడింది. తాజా భోజనం కేవలం రూ. 89తో ప్రారంభమవుతుంది. ఒక బ్లాగ్ పోస్ట్‌లో, దీపిందర్ గోయల్ ఇలా అన్నారు, "మీకు ఇంట్లో ఉన్న అనుభూతిని కలిగించే భోజనాన్ని అందించడం ద్వారా Zomato ప్రతిరోజూ మిమ్మల్ని ఇంటికి చేరువ చేస్తుంది." అని పేర్కొన్నారు. మా టీమ్ హోమ్ చెఫ్‌లకు సహకరిస్తారు. వారు ప్రతి వంటకాన్ని ప్రేమతో మరియు శ్రద్ధతో తయారు చేసి, నిమిషాల్లోనే ఉత్తమ ధరలకు ఆరోగ్యకరమైన ఆహారాన్ని మీకు అందిస్తారు. అత్యుత్తమ పదార్థాలను ఉపయోగించడం ద్వారా, ఆహారం రుచిని మాత్రమే కాకుండా, ప్రతి వంటకం అత్యంత నాణ్యమైనదిగా ఉంటుంది అని తెలిపారు.