యూఏఈ: తజికిస్తాన్‌లో స్థానిక కాలమానం ప్రకారం ఉదయం 8.37 గంటలకు భారీ భూకంపం సంభవించింది. భూకంప కేంద్రం 10 కి.మీ లోతులో ఉందని, సుమారు 7.2 తీవ్రతతో భూకంపం సంభవించిందని చైనా భూకంప నెట్‌వర్క్‌ల కేంద్రాన్ని ఉటంకిస్తూ చైనా ప్రభుత్వ టెలివిజన్ CCTV వెల్లడించింది. భూకంప కేంద్రం చైనాకు సమీప సరిహద్దు నుండి 82 కి.మీ దూరంలో ఉంది. జిన్‌జియాంగ్ ప్రాంతంలోని పశ్చిమ భాగంలోని కష్గర్, ఆర్టక్స్‌లో బలంగా ఉన్నట్లు CCTV తెలిపింది. భూకంప కేంద్రం నుండి 5 కిమీలోపు( 4,655 మీటర్లు-15,300 అడుగులు) ప్రభావం తీవ్రంగా ఉండే అవకాశం ఉంటుందని నిపుణులు అంచనా వేస్తున్నారు. మరోవైపు ఆస్తి, ప్రాణనష్టం వివరాలు తెలియాల్సి ఉంది.