‘ది ఘోస్ట్’ సినిమా తర్వాత నాగార్జున సైలెంట్ అయిపోయాడు. అంతకు ముందు నటించిన ‘బంగార్రాజు’ ఫెయిల్ అవ్వడం.. ‘వైల్డ్ డాగ్’, ‘ది ఘోస్ట్’ సినిమాలు ఆశించిన రిజల్ట్ అందించకపోవడంతో కాస్త ఆచితూచి వ్యవహరిస్తున్నాడు తన తదుపరి ప్రాజెక్టుల విషయంలో నాగార్జున.

ఇప్పటికే బెజవాడ ప్రసన్న కుమార్ అనే ఓ కొత్త డైరెక్టర్ చెప్పిన కథకు ఓకే చెప్పి ఆ ప్రాజెక్ట్‌ని హోల్డ్‌లో పెట్టి వుంచాడు. కానీ, అది సరిపోదు. సరైన హిట్టు పడాలి నాగార్జునకి. అలాంటి హిట్టు కొట్టాలంటే, అందుకు తగ్గ కథ.. తెరకెక్కించే నైపుణ్యం వున్న డైరెక్టర్ కూడా కావాలి. అందుకోసమే వెయిట్టింగ్.. అంటున్నాడు కింగ్. ఈ సారి ఎలాంటి తప్పటడుగులు పడకుండా జాగ్రత్తగా ఆచి తూచి అడుగులు వేయాలనుకుంటున్నాడట. లేట్ అయినా లేటెస్ట్‌గా వస్తానంటున్నాడు. త్వరలోనే గుడ్ న్యూస్ చెబుతానని ఫ్యాన్స్‌కి సంకేతాలిస్తున్నాడు.