రియాద్: సౌదీ అరేబియాలో విద్యార్థులకు రెండవ సెమిస్టర్ సెలవులు ప్రారంభమయ్యాయి. మూడవ సెమిస్టర్‌ తరగతులు మార్చి 12న ప్రారంభమవుతాయి. ఏప్రిల్ 22వ తేదీన ఈద్ అల్-ఫితర్ సెలవుదినం ఉంటుంది. తిరిగి ఏప్రిల్ 27న తరగతులు ప్రారంభమవుతాయి. అలాగే విద్యార్థులకు ఆదివారం, సోమవారాలు, 8-9 ధుల్ ఖదా (మే 28-29) ఒక సుదీర్ఘ సెలవుదినాలు వస్తున్నాయి. ధు అల్-హిజ్జా (జూన్ 22) 4వ తేదీకి అనుగుణంగా  ప్రస్తుత విద్యా సంవత్సరం ముగియనుంది. పరీక్షలను సరిచేసే అన్ని విధానాలను పాఠశాలలు పూర్తి చేయడం, నూర్ ఎలక్ట్రానిక్ సిస్టమ్‌లో రోజువారీగా సమీక్షించడం, పర్యవేక్షించడం, ఫలితాలను సకాలంలో ప్రకటించడానికి సన్నాహాలు చేయడం ప్రాముఖ్యతను విద్యా మంత్రిత్వ శాఖ తన ఉత్తర్వుల్లో పేర్కొన్నారు. ప్రాథమిక పాఠశాలలో 3వ తరగతి నుండి మాధ్యమిక పాఠశాలలోని 3వ తరగతి వరకు అన్ని పాఠశాల దశలలో 1444 AH రెండవ సెమిస్టర్ చివరి పరీక్షలకు దాదాపు 6 మిలియన్ల మంది విద్యార్థులు హాజరయ్యారు. రెండవ సెమిస్టర్ చివరి రాత పరీక్షలు ఫిబ్రవరి 26న ప్రారంభమయ్యాయి. సౌదీ అరేబియా అంతటా బాలురు, బాలికల ప్రభుత్వ విద్యా పాఠశాలల్లో ఐదు రోజుల పాటు కొనసాగాయి.