మస్కట్: సీబ్ బీచ్‌లో శుక్రవారం విషాదకర ఘటన జరిగింది. ఓ 9 ఏళ్ల బాలుడు నీటిలో మునిగి మృతిచెందాడు. మస్కట్ గవర్నరేట్‌లోని సీబ్ బీచ్‌లో మధ్యాహ్నం 1:35 గంటలకు ఒక చిన్నారి మునిగిపోయిన సంఘటన గురించి తమకు సమాచారం అందిందని విలాయత్ ఆఫ్ సీబ్‌లోని సివిల్ డిఫెన్స్, అంబులెన్స్ అథారిటీకి చెందిన ఒక అధికారి తెలిపారు. రెస్క్యూ, అంబులెన్స్ బృందాలు సంఘటన స్థలానికి వెళ్లాయని, పిల్లవాడిని సముద్రం నుండి బయటకు తీయగా.. అప్పటికే బాలుడు చనిపోయాడని తెలిపారు. తొమ్మిదేళ్ల బాలుడు తన తండ్రితో కలిసి బీచ్ లో ఈత కొడుతున్నాడని అధికారి చెప్పారు. బలమైన ప్రవాహం కారణంగా బాలుడు సముద్రంలో మునిగి చనిపోయాడని వెల్లడించారు. బీచ్‌కి వెళ్లే వారందరూ నిర్దేశిత ప్రదేశాలలో మాత్రమే ఈత కొట్టాలని, పిల్లలు ఈత కొట్టేటప్పుడు పెద్దలు పర్యవేక్షించాలని, ఒంటరిగా ఉండకూడదని, బీచ్ సమీపంలో ఆడుతున్నప్పుడు లేదా ఈత కొట్టేటప్పుడు పర్యవేక్షించాలని అధికారులు హెచ్చరికలు జారీ చేశారు.