కమెడియన్‌గా ప్రియదర్శికి మంచి పేరుంది. అలాగే, మొన్నామధ్య ప్రియదర్శి ప్రధాన పాత్రలో ‘మల్లేశం’ అనే సినిమా వచ్చింది. విమర్శకుల ప్రశంసలు అందుకుంది ఈ సినిమా. 
తాజాగా మరో సినిమాతో హీరోగా ప్రేక్షకుల ముందుకొచ్చాడు ప్రియదర్శి. అదే ‘బలగం’. కమెడియన్ వేణు దర్శకుడిగా తెరకెక్కించిన సినిమా ఇది. 

దిల్ రాజు బలంగా సపోర్ట్ ఇచ్చారీ సినిమాకి. అలాగే, ప్రమోషన్లు కూడా గట్టిగా చేశారు. కేటీయార్ ముఖ్య అతిథిగా ఈ సినిమా ప్రీ రిలీజ్ ఈవెంట్ నిర్వహించి సినిమాకి మంచి హైప్ తీసుకొచ్చారు. మార్చి 3 న ప్రేక్షకుల ముందుకొచ్చిన ఈ సినిమా మంచి ఓపెనింగ్సే అందుకుంది. తెలంగాణాకి సంబంధించిన ఓ వ్యక్తి చావు తర్వాత జరిగిన పరిణామాల నేపథ్యంలో రూపొందిన ఈ సినిమా కథ, కథనాలు ఆసక్తిగా అనిపించాయ్. ఫక్తు కమర్షియల్ మూవీ అనేలా కాకుండా, సమ్‌థింగ్ డిఫరెంట్ కంటెంట్‌ని తెరపై ప్రొజెక్ట్ చేశారీ సినిమాతో. అందుకేనేమో ప్రేక్షకుల్ని మెప్పించి వుండొచ్చు.

ఏదేమైతేనేం, మొత్తానికి ప్రియదర్శి హీరోగా ‘బలగం’ పాజిటివ్ టాక్ తెచ్చుకుంది.