దగ్గుబాటి బాబాయ్ అబ్బాయ్.. అదేనండీ.. రానా, వెంకటేష్ కాంబినేషన్‌లో ఓ వెబ్ సిరీస్ రాబోతోంది. అదే ‘రానా నాయుడు’. త్వరలోనే నెట్‌ఫ్లిక్స్ ఓటీటీ వేదికగా ఈ వెబ్ సిరీస్ రానుంది. మార్చి 10 నుంచి స్ర్టీమింగ్ కానుంది.

ఈ నేపథ్యంలో ప్రమోషన్లు షురూ చేశారు. డ్రగ్స్ మాఫియా బ్యాక్ డ్రాప్‌లో రూపొందుతోన్న ఈ వెబ్ సిరీస్ ప్రచార చిత్రాలు ఆసక్తిగా వున్నాయ్. వెంకటేష్ బాగ్ ఏజ్‌డ్ పాత్రలో డిఫరెంట్ గెటప్‌లో కనిపిస్తుండగా.. రానా తన ఏజ్‌కి తగ్గ రోల్ పోషిస్తున్నాడు. 

వెబ్ సిరీస్ కదా.. మసాలా కంటెంట్ కూడా కూసింత ఎక్కువే వున్నట్లుగా వుంది ప్రచార చిత్రాలు చూస్తుంటే. తెలుగుతో పాటూ, హిందీ తదితర భాషల్లో ఈ వెబ్ సిరీస్ స్ర్టీమింగ్ కానుంది. కాగా, ఈ సిరీస్ ప్రమోషన్లలో భాగంగా రానా, బాలీవుడ్‌ని టార్గెట్ చేసినట్లు తెలుస్తోంది. త్వరలోనే బాలీవుడ్‌లో పలు ప్రాజెక్టులు సైన్ చేయబోతున్నట్లు తెలుస్తోంది.