దుబాయ్: షార్జా ఛాంబర్ ఆఫ్ కామర్స్ అండ్ ఇండస్ట్రీ(SCCI) షార్జా రమదాన్ ఫెస్టివల్ 2023 ప్రారంభ తేదీని ప్రకటించింది.మార్చి 22 నుండి ఏప్రిల్, 25 వరకు జరిగే ఈ ఫెస్టివల్ ఎమిరేట్‌లోని వివిధ నగరాలు, ప్రాంతాలలో జరుగుతుంది. ఈ ఏడాది " రమదాన్ హాప్పీస్ విత్ యూ" అనే థీమ్ తో నిర్వహిస్తున్నారు. పవిత్ర మాసాన్ని జరుపుకునే ప్రేమ, సంతోష వాతావరణంలో కుటుంబ సభ్యులను ఒకచోట చేర్చేందుకు ఈ కార్యక్రమం ఏర్పాటు చేయబడిందని ఆర్గనైజింగ్ కమిటీ తెలిపింది.ఈ పండుగ వివిధ ఆర్థిక రంగాలను పునరుజ్జీవింపజేయడానికి ఒక ముఖ్యమైన ఈవెంట్ గా నిలుస్తుందని, ప్రత్యేకంగా రిటైల్ వాణిజ్యం, ఆతిథ్య రంగాన్ని పునరుద్ధరిస్తుందని తద్వారా వ్యాపార సంఘానికి మద్దతు ఇస్తుందని షార్జా ఛాంబర్ ఆఫ్ కామర్స్ అండ్ ఇండస్ట్రీ పేర్కొంది.