అతిలోక సుందరి ముద్దుల తనయ జాన్వీ కపూర్, ‘ఎన్టీయార్ 30’ సినిమా ద్వారా సౌత్‌లో ఎంట్రీ ఇస్తున్న సంగతి తెలిసిందే. నార్త్ జనాలకు హీరోయిన్‌గా ఎప్పుడో పరిచయమైనప్పటికీ అక్కడ కమర్షియల్ గుర్తింపు దక్కించుకోలేకపోయింది జాన్వీ కపూర్. 

ఛాలెంజింగ్ రోల్స్‌తోనే తన ప్రత్యేకతను చాటుకుంటోంది. అయితే, టాలీవుడ్ విషయానికి వస్తే, ఇక్కడ కమర్షియల్ హీరోయిన్ ముద్ర వేయించుకుంటేనే కెరీర్ సవ్యంగా సాగుతుంది. 

ఆ యాంగిల్‌లోనే తొలి సినిమాలో జాన్వీ క్యారెక్టర్ ఎలా వుంటుందన్న అంశంపై సర్వత్రా ఆసక్తి నెలకొంది. తాజాగా అందుతోన్న సమాచారం ప్రకారం ఓ జాలరి కుమార్తె‌గా ఈ సినిమాలో జాన్వీ నటించబోతోందనీ తెలుస్తోంది.

పాత్ర పరంగా డీ గ్లామర్ రోలే అయినప్పటికీ, కాస్త గ్లామరస్‌గానూ జాన్వీని చూపించబోతున్నాడట దర్శకుడు కొరటాల. రోల్ గురించి గుస గుస బయటికి వచ్చాకా, ఆ పాత్రలో జాన్వీ కపూర్ ఎలా వుంటుందా.? అని అభిమానులు ఎదురు చూస్తున్నారు.