ఈ రోజు (ఏప్రిల్ 8) ఐకాన్ స్టార్ అల్లు అర్జున్ 41 వ బర్త్‌డే సందర్భంగా ఆయన తాజా మూవీ ‘పుష్ప 2’ నుంచి ఫస్ట్ లుక్ రిలీజ్ చేశారు. జాతర నేపథ్యంలో కాళీ మాత అవతారాన్ని పోలిన పవర్ ఫుల్ గెటప్‌లో బన్నీ కనిపిస్తున్నాడు. ఈ సందర్భంగా బన్నీకి సోషల్ మీడియా వేదికగా బర్త్ డే విషెస్ పోటెత్తుతున్నాయ్. 
అలాగే, మెగాస్టార్ చిరంజీవి తనదైన స్టైల్‌లో బన్నీకి బర్త్‌డే విషెస్ చెప్పారు. 
హ్యాపీ బర్త్ డే డియర్ బన్నీ ‘పుష్ప 2 ది రూల్’ లుక్ రాకింగ్‌గా వుంది అంటూ ఆయన విష్ చేశారు. ఈ ట్వీట్ ఇప్పుడు నెట్టింట్లో వైరల్ అవుతోంది. 
‘పుష్ప 2’కి సంబంధించి ఇప్పటికే టీజర్ రిలిజ్ చేశారు. ఈ టీజర్ రికార్డు స్థాయిలో వ్యూస్ అందుకుంటోంది. అలాగే ఈ నేపథ్యంలోనే రిలీజ్ చేసిన ఫస్ట్‌లుక్ బన్నీ ఫ్యాన్స్‌లో హుషారు తెప్పిస్తోంది. 
ఈ లుక్‌ని లైక్ చేస్తూ, షేర్ చేస్తూ నెట్టింట్లో వైరల్ చేస్తున్నారు బన్నీ ఫ్యాన్స్. ‘పుష్ప’ ఫస్ట్ పార్ట్‌కి వచ్చిన క్రేజ్‌తో రెండో పార్ట్‌కి సంబంధించిన ప్రతీ అప్‌డేట్ అంతకు మించిన క్రేజ్‌తో వుండాలి. అందుకు తగ్గట్లుగానే అప్డేట్లు ప్లాన్ చేస్తున్నారు ‘పుష్ప’ మేకర్స్.