అంతర్గత వ్యవహారాల శాఖ యొక్క భద్రతా దళాల అధికార ప్రతినిధి తెలిపిన వివరాల ప్రకారం  బాణీ మాలిక్ లో ఉన్న పోలీసు స్టేషన్ హద్దాద్ పై  తీవ్రవాద చర్య ద్వారా దాడి చేసేందుకు ముష్కురుల  ఒక ప్రయత్నంని  సమర్ధవంతంగా తిప్పికొట్టినట్లు పేర్కొన్నారు. 

సౌదీ ప్రెస్ ఏజెన్సీ తెలిపిన వివరాల ప్రకారం, పోలీసు స్టేషన్ వద్ద  భద్రతా అధికారులు విధుల్లో ఉండగా   తెల్లవారుజామున ఒంటి గంట సమయంలో  పోలీసు స్టేషన్ సమీపంలో  కార్  పార్కింగ్ ప్రాంతం లోకి  ఇద్దరు వ్యక్తులు చొరబడే  ప్రయత్నం చేశారు. శనివారం, మే 7వ తేది నుంచి పోలీసులు తమ చర్యలను  గమనిస్తున్నారని  తెలియడంతో తీవ్రవాదులు  ఒక మెషిన్ గన్ తో  పోలీసులపై కాల్పులు ప్రారంభించారు. దీంతో పోలీసులు వారిపై ఎదురు తుపాకీ కాల్పులను జరపడంతో తీవ్రవాదులు వారి కోసం  ఎదురుచూస్తున్న ఒక వాహనంలో పారిపోయారు .
తర్వాత తీవ్రవాదులు తాము ప్రయాణించిన వాహనంను ధ్వంసం చేశారు. తరువాత, వారు కాలినడకన  ఠకీఫ్  గ్రామంలో పర్వత నివాస ప్రాంతాలలోనికి  పారిపోయారు. మరియు ఆ  ప్రాంతవాసులు సహాయంతో అక్కడ వారు తలదాచుకున్నారు.

భద్రతా దళాల అధికార ప్రతినిధి తెలిపిన సమాచారం ప్రకారం  ఎదురెదురు కాల్పులు జరిగిన తర్వాత   సయీద్ దాహిబిష్  అల్ హారతి అనే ఒక సైనికుడు మృతి చెందాడు, విస్పొటన నివారణ నిపుణులు  ఒక పేలుడు బెల్ట్ ని  మరియు తొమ్మిది పైపు బాంబులు స్వాధీనపరచుకొని వాటిని నిర్వీర్యం చేశారు  తీవ్రవాదుల కోసం సైనికులు శోధన జరుపుతున్నారని  ఏమైనా  వివరాలు లభ్యమైతే  వెంటనే ప్రకటిస్తామని తెలిపారు.