కువైట్: కువైట్‌లోని అన్ని గవర్నరేట్‌లలో జూలై నెల మధ్య నాటికి వీధుల సమూల నిర్వహణను ప్రారంభించేందుకు మంత్రిత్వ శాఖ అంతర్జాతీయ కంపెనీలతో ఒప్పందాలు కుదుర్చుకుంటుందని పబ్లిక్ వర్క్స్ మంత్రిత్వ శాఖ ప్రతినిధి, ప్రణాళిక- అభివృద్ధి అండర్ సెక్రటరీ అహ్మద్ అల్-సలేహ్ చెప్పారు. ప్రధాన రహదారులపై ట్రాఫిక్‌కు అంతరాయం కలిగించే,  వాహనాలకు నష్టం కలిగించే అన్ని మరమత్తులను సరిచేయడానికి మంత్రిత్వ శాఖ మెయింటెనెన్స్ ఇంజనీరింగ్ విభాగం ఒక ప్రణాళికను రూపొందించింది. అత్యవసర బృందాలు ఇప్పటివరకు 150కి పైగా సైట్‌లను సందర్శించి నివేదికను సమర్పించాయి. ఈద్ అల్-ఫితర్ సెలవుదినాల తర్వాత రోడ్ల నిర్వాహణ పనుల్లో వేగం పెరుగుతుందని అహ్మద్ అల్-సలేహ్ తెలిపారు.