సీనియర్ డైరెక్టర్ మణిరత్నం డ్రీమ్ ప్రాజెక్ట్‌గా రూపొందింది ‘పొన్నియన్ సెల్వన్’. ఓ పాపులర్ నవల ఆధారంగా రూపొందించిన ఈ సినిమాని రెండు భాగాలుగా మణిరత్నం రిలీజ్ చేస్తున్నారు. 

ఆల్రెడీ మొదటి భాగం సో సోగా పేరు తెచ్చుకుంది. ఇక, రెండో భాగం రిలీజ్‌కి సర్వం సిద్ధమైంది. ఈ శుక్రవారం అనగా ఏప్రిల్ 28న ‘పొన్నియన్ సెల్వన్ 2’ రిలీజ్ కాబోతోంది. ఈ నేపథ్యంలో చిత్ర యూనిట్ భారీ ఎత్తున ప్రమోషన్ కార్యక్రమాలు నిర్వహిస్తోంది. భారీ మల్టీ స్టారర్‌గా రూపొందిన ఈ చిత్రం రెండో పార్ట్ ఊహించని విధంగా విజువల్ ఇంపాక్ట్ ఇవ్వనుందని అంచనా వేస్తున్నారు. 

విక్రమ్, కార్తీ, జయం రవి, త్రిష, ఐశ్వర్యా రాయ్, ఐశ్వర్య లక్ష్మి, శోభిత ధూళిపాళ్ల తదితరులు ప్రధాన పాత్రలు పోషిస్తున్న ఈ సినిమా రెండో భాగం అంచనాలకు తగ్గట్లుగా పెద్దగా బజ్ అయితే క్రియేట్ చేయడం లేదు. కానీ, రిలీజ్ తర్వాత ఓ మోస్తరు పాజిటివ్ టాక్ వచ్చినా మణిరత్నం డ్రీమ్ నెరవేరినట్లే. 

చూడాలి మరి. ఈ భారీ మల్టీ స్టారర్ ‘పొన్నియన్ సెల్వన్ 2’ ఎలా వుండబోతోందో.