కువైట్: రమదాన్ సెలవుల అనంతరం డైరెక్టరేట్ జనరల్ ఆఫ్ సివిల్ ఏవియేషన్ తన ఉద్యోగుల కోసం పని వేళల్లో మార్పులు చేసింది. రెండు షిఫ్టులలో ఉద్యోగులను సెట్ చేసింది. ఈ మేరకు డైరెక్టర్ జనరల్ ఇంజినీర్ సలేహ్ అల్-ఫదాగీ అధికారిక పని వేళలకు సంబంధించి ఒక సర్క్యులర్‌ను జారీ చేశారు. అధికారిక పని గంటలు ఆదివారం నుండి గురువారం వరకు రోజుకు 7 గంటలుగా నిర్ణయించారు. షిఫ్టులు ఉదయం 07:30 నుండి మధ్యాహ్నం 02:30 వరకు.. ఉదయం 08:30 నుండి మధ్యాహ్నం 03:30 వరకు ఉంటాయని ఆ సర్క్యులర్ లో పేర్కొన్నారు. తమ వీలునుబట్టి ఉద్యోగులు తమ పని వేళలను ఎంపిక చేసుకోవచ్చని తెలిపారు. ఉద్యోగులు తమ షిఫ్ట్ వేళలను సివిల్ సర్వీస్ కమిషన్ వెబ్‌సైట్ (portal.csc.gov.kw)లో సదరు అధికారులు ఆమోదించిన తర్వాత వాటిని సవరించే అవకాశం లేదని ఉత్తర్వుల్లో స్పష్టం చేశారు.